Осы іс-шараларға Еуропа Кеңесінің Бас хатшысы, кейбір Еуропа мемлекеттерінің басшылары, жақын және алыс шетелдердің конституциялық бақылау органдарының, сондай-ақ беделді халықаралық ұйымдардың өкілдері қатысты.

Конституциялық Кеңестің Төрағасы Венециялық комиссияны Қазақстанның мемлекеттік құқықтық саясаты саласындағы және елімізде конституциялық заңдылықты қамтамасыз етудегі жетістіктері жайында хабардар етті. Венециялық комиссияның мүшелері 2020 жылға дейінгі кезеңге арналған жаңа Құқықтық саясат тұжырымдамасын жүзеге асыру туралы берген ақпаратын үлкен қызығушылықпен қабылдады. Конституциялық Кеңеспен Қазақстан, Ресей және Беларусия арасындағы Кедендік одақтың комиссия қызметінде Республиканың қатысу мәселесіне байланысты Қазақстан Конституцияның кейбір нормаларын түсіндіру мәселесі жөнінде Венециялық комиссияның пікірі ескеріліп, Конституциялық Кеңеспен Венециялық комиссияның тығыз ынтымақтастығы аталып өтті.

И. Рогов Комиссия басшыларын Астана қаласында ү.ж. 27-28 тамызда жоспарланған Қазақстан Конституциясының 15 жылдығына арналған «Конституция мемлекеттің демократиялық дамуының негізі» атты өтетін халықаралық конференцияға қатысуға шақырды. Шақыру үлкен алғыспен қабылданды.