Ту, Елтаңба, Әнұран | Мемлекеттік рәміздер | Қазақстан Республикасы Конституциялық Кеңесі

Қазақстан Республикасы
Конституциялық Кеңесі

Мемлекеттік рәміздер

Жаңалықтар

• Ту, Елтаңба, Әнұран

Қазақстан Республикасының Мемлекеттік Туы

Қазақстан Республикасының Мемлекеттік Туы – Қазақстан Республикасының мемлекеттiк негiзгi рәмiздердiң бiрi. Мемлекеттік ту көгiлдiр түстi тiк бұрышты кездеме. Оның ортасында арайлы күн, күннiң астында қалықтаған қыран бейнеленген. Ағаш сабына бекiтiлген тұста — ұлттық оюлармен кестеленген тiк жолақ өрнектелген. Күн, арай, қыран және ою-өрнек — алтын түстi. Тудың енi ұзындығының жартысына тең.

Қазақстан Республикасының Мемлекеттік Елтаңбасы

Қазақстан Республикасының Мемлекеттік Елтаңбасының негiзi — шаңырақ. Шаңырақ — мемлекеттiң түп-негiзi — отбасының бейнесi. Шаңырақ — Күн шеңберi. Айналған Күн шеңберiнiң қозғалыстағы суретi iспеттi, Шаңырақ — киiз үйдiң күмбезi көшпелi түркiлер үшiн үйдiң, ошақтың, отбасының бейнесi. Тұлпар — дала дүлдiлi, ер-азаматтың сәйгүлiгi, желдей ескен жүйрiк аты, жеңiске деген жасымас жiгердiң, қажымас қайраттың, мұқалмас қажырдың, тәуелсiздiкке, бостандыққа ұмтылған құлшыныстың бейнесi. Қанатты тұлпар — қазақ поэзиясындағы кең тараған бейне. Ол ұшқыр арманның, самғаған таңғажайып жасампаздық қиялдың, талмас талаптың, асыл мұраттың, жақсылыққа құштарлықтың кейпi. Қанатты тұлпар Уақыт пен Кеңiстiктi бiрiктiредi. Ол өлмес өмiрдiң бейнесi. Бiр шаңырақтың астында тату-тәттi өмiр сүретiн Қазақстан халқының өсiп-өркендеуiн, рухани байлығын, сан сырлы, алуан қырлы бет-бейнесiн паш етедi. Бес бұрышты жұлдыз гербтiң тәжi iспеттi. Әрбiр адамның жол нұсқайтын жарық жұлдызы бар.

Қазақстан Республикасының Мемлекеттік Әнұраны

Сөзін жазған:
Жұмекен Нәжімеденов, Нұрсұлтан Назарбаев

Алтын күн аспаны,
Алтын дән даласы,
Ерліктің дастаны,
Еліме қарашы!
Ежелден ер деген,
Даңқымыз шықты ғой.
Намысын бермеген,
Қазағым мықты ғой!

Қайырмасы:

Менің елім, менің елім,
Гүлің болып егілемін,
Жырың болып төгілемін, елім!
Туған жерім менің - Қазақстаным!

Ұрпаққа жол ашқан,
Кең байтақ жерім бар.
Бірлігі жарасқан,
Тәуелсіз елім бар.
Қарсы алған уақытты,
Мәңгілік досындай.
Біздің ел бақытты,
Біздің ел осындай!

Қайырмасы:

Менің елім, менің елім,
Гүлің болып егілемін,
Жырың болып төгілемін, елім!
Туған жерім менің - Қазақстаным!

2010 жылғы 30 тамызда бүкілхалықтық референдумда Қазақстан Республикасы Конституциясының қабылдануына 15 жыл толады.

толық »

2010 жылғы 12-15 шілде аралығында Джакарта қаласында (Индонезия) Азия елдерінің конституциялық соттары мен конституциялық бақылау органдары судьяларының «Сайлау процесін қамтамасыз етудегі конституциялық құқық» атты 7-конференциясы өтуде. Оның жұмысына 24 елдің және екі халықаралық ұйымның өкілдері, солардың ішінде, Қазақстан Республикасы Конституциялық Кеңесінің Төрағасы И. Рогов басшылық жасаушы қазақстандық делегация қатысуда. Конференцияның ашылуында Индонезия Республикасының Президенті Сусило Бамбанг Юдхойоно сөз сөйледі. Азия елдерінің конституциялық соттары мен конституциялық бақылау органдары қауымдастығының құрылуы конференцияның маңызды іс-шараларының бірі болды.

толық »

Ү.ж. 21 маусымда Республика Парламенті Палаталарының бірлескен отырысында Конституциялық Кеңестің Төрағасы И.Рогов «Қазақстан Республикасындағы конституциялық заңдылықтың жай-күйі туралы» Конституциялық Кеңестің жыл сайынғы жолдауын оқыды.

толық »

2010 жылғы 15 маусымда Қазақстан Республикасы Президентінің Жарлығымен Игорь Иванович Рогов Қазақстан Республикасы Конституциялық Кеңесінің Төрағасы болып жаңа 6 жылдық мерзімге тағайындалды.

2010 жылғы 10-11 маусымда Копенгаген қаласында (Дания) «ЕҚЫҰ-ның Копенгаген құжатының 20 жылдығы: мәртебесі және болашағы» атты Копенгагендік мерейтойлық конференциясы өтті. Оның жұмысына Қазақстан Республикасы Конституциялық Кеңесінің мүшелері Н.В.Белоруков және В.А.Малиновский қатысты.

толық »

Iздеу

"Интернет Решения"
компаниясымен өндірілген